Related Posts
Category : Gujarat
ગાંધીનગરના સરગાસણ બ્રિજ પાસે ગુરુવારે મધરાતે ભયાનક અકસ્માત ,સળગતી કારમાં જીવના જોખમે ‘મોબાઈલ’ની શોધ!
ગાંધીનગરના સરગાસણ બ્રિજ પાસે ચાર કાર વચ્ચે સર્જાયેલા ગમખ્વાર અકસ્માતનો એક રૂંવાડા ઊભા કરી દે તેવો નવો વીડિયો સામે આવ્યો છે. આ ભયાનક અકસ્માત બાદ એક કારમાં ભીષણ આગ લાગી ગઈ હતી, તેમ છતાં કાર ચાલક યુવક પોતાના જીવની પરવા કર્યા વગર સળગતી ગાડીમાં મોબાઈલ ફોન શોધતો જોવા મળ્યો હતો, જે દ્રશ્યો જોઈને સૌ કોઈ સ્તબ્ધ થઈ ગયા છે. પ્રાથમિક માહિતી મુજબ, આ અકસ્માત એક ક્રેટા (Creta) કારના ચાલકે સર્જ્યો હતો. હાલમાં પોલીસ દ્વારા આ મામલે સઘન તપાસ ચલાવવામાં આવી રહી છે, અને જો ક્રેટા કારના રેકોર્ડની ઊંડાણપૂર્વક તપાસ થાય, તો તેની ઓવર-સ્પીડિંગ તેમજ અગાઉ ફાટેલા અન્ય મેમોની ચોંકાવનારી વિગતો પણ બહાર આવી શકે તેમ છે.
શું હતી સમગ્ર ઘટના?
ગુરુવારે મધરાતે અમદાવાદ તરફથી પૂરપાટ ઝડપે આવી રહેલી એક હ્યુન્ડાઈ ક્રેટા કારના ચાલકે સ્ટેયરિંગ પરથી કાબૂ ગુમાવતા આગળ જઈ રહેલી મહિન્દ્રા EV કારને પાછળથી પ્રચંડ ટક્કર મારી હતી. આ ટક્કર એટલી જોરદાર હતી કે મહિન્દ્રા EV કાર આગળ જતી ઈનોવા કાર સાથે અથડાઈ હતી. આ ગમખ્વાર અકસ્માતમાં એકસાથે ચાર ગાડીઓનો કુરચો બોલી ગયો હતો અને ક્રેટા કારમાં આગ ફાટી નીકળી હતી.
Load more
